[Sya'er Gayo] Amalah Ari Kenawat

[Sya'er Gayo] Amalah Ari Kenawat

Musirang

Sayup-sayup ku penge keber
Lampu si terang gere ne bersiner
Kupen wan umah nge meh jinger
Janji si mulo lagu nge ingker
Gere ne ku penge keber ari Gayo
Kune die ama ine sanak sudere
Ari soboh mi munantin iyo
Nge rap muah i petetah dewe
Kite munyuen jema mujergut
Sabi diri dabuh perebut
Buet kenake gelah silayak patut
Enti kuen kiri turah kona sikut
Ike tikik pe jeroh bebagi
Enti ara si untung maupun rugi
Ara tikik sipet ni urang kite ni
Ike nge maju dabuh turuhen diri
Asa nge beta bange si tingir
Jema sitelas turah tersingkir
Selama ini kupen temuni ni tungir
Berlaku cules wan pola pikir
Kune kite male maju
Ara tikik nge timul nesu
Simulo keta renyel selalu
Sipuren taring kat duru
Gere berpikir mu netah cara
Kune tanoh gayo wan kabar berita
Simampaat gune ku dele ni jema
Geh ni kite dabuh perkara ……..
Medan, 10 Juni 2013
*Amalah Ari Kenawat, pria kelahiran Kenawat Lut Kabupaten Aceh Tengah merantau ke Medan Tanaha Deli